Nuestro Señor Jesucristo, Rey del Universo
San Juan 18, 33b – 37

Entón entrou Pilato outra vez no Pretorio, chamou por Xesús e preguntoulle:
‑¿Es ti o Rei dos Xudeus?

Xesús respondeu:
‑¿Dilo ti pola túa conta ou dixéroncho outros de min?

Pilato replicou:
‑¿E logo son eu xudeu? A túa xente e os sumos sacerdotes entregáronte a min: ¿que fixeches?

Xesús contestoulle:
‑O meu reino non é deste mundo; se deste mundo fose, os meus oficiais loitarían para que ninguén me entregase ós xudeus; pero o meu reino non é de aquí.

Díxolle entón Pilato:
‑¿Logo ti es Rei?

Xesús respondeu:
‑Tal como o estás dicindo, eu son Rei: para iso nacín e para iso vin ó mundo, para dar testemuño da verdade; todo o que está aberto á verdade, escoita a miña voz.